Føroyar fiska ikki laks næstu árini

Føroyar fiska ikki laks næstu árini
Føroyar gera, sum ICES mælir til, og fiska ikki laks tey næstu árini heldur, sigur Høgni Hoydal í svari Edmund Joensen.
 
21.08.2018 - 11:18

Føroyar hava boðað NASCO frá, at Føroyar gera, sum ICES mælir til, og fiska ikki laks tey næstu árini heldur, sigur Høgni Hoydal, landsstýrismaður, í svari til Edmund Joensen, løgtingsmann.

NASCO er millumlanda felagsskapur, sum umsitur villa laksin í Norðuratlantshavi.

Føroyar hava ikki fiskað laks í nógv ár. Men Føroyar tilskila sær tó rætt til vísindaligan royndarfiskiskap.

Hóast landsstýrið hevur boðað frá almennu støðu Føroya, hevur felagið Laksaskip í vár gjørt avtalu við tveir privatar felagsskapir um ikki at fiska villan laks tað næsta árið.

Felagið fekk pengar afturfyri, hvussu nógvar er ikki upplýst. Men talan er um nakrar milliónir.

Privatu felagsskapirnir eru Atlantic Salmon Federation og North Atlantic Salmon Fund. Hetta eru felagsskapir hjá tráðufiskarum.

Landsstýrið eigur, sambært landsstýrismanninum í fiskivinnumálum, ongan lut í avtalunum, sum felagið Laksaskip hevur gjørt.

Sjey limir eru í felagnum Laksaskip. Felagið vil ikki upplýsa, hvørjir limirnir eru.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565