Kringvarpið søkir eftir nýggjum stjóra

Kringvarpið søkir nú eftir nýggjum stjóra. 

Kári Sólstein, starvsfólkaumboð í stýrinum, tók við sum virkandi stjóri í kringvarpinum, tá Johnny í Grótinum fór úr starvinum tann 15. juni. Men nú søkir Kringvarpið eftir nýggjum stjóra. 

Freistin at søkja starvið er 21. september. 

Stjórin í Kringvarpinum hevur dagligu programmábyrgdina og røkir fyrisitingarligu og búskaparligu leiðsluna av Kringvarpi Føroya

Starvið, ið er áramálssett í fimm ár, er lønt samsvarandi 38. lønarflokki í avtalu millum Tænastumannafelag Landsins og Fíggjarmálaráðið, tó uttan at verða tænastumannastarv.