Kristian Samuel gav krúnprinsinum Mr. Lee

Næmingarnir í Kongagøtu og Finsen taldust millum teirra, sum fagnaðu krúnprinsaparinum í morgun, tá almenna vitjan teirra byrjaði. 

Krúnprinsaparið heilsaði upp á næmingar í 1., 2., og 3. flokki, sum stóðu spent og bíðaðu á Bursatanga.

Á heimasíðuni hjá Skúlanum á Fløtum er ein sera fittlig søga frá krúnprinsavitjanini í morgun. 

Kristian Samuel í 3.D hevði gjørt sær stóran ómak at pakka eina gávu inn til krúnprinsin. Hann hevði brúkt av sínum egnum lummapengum til gávuna, og hann hevur eisini skrivað krúnprinsinum eitt bræv. Til alla lukku eydnaðist honum at handa gávuna, og tað var ein fegin krúnprinsur, sum tók ímóti. 

Tá ið lærarin forvitin spurdi, hvat var í pakkanum, svaraði Kristian: "Jú, eg havi keypt honum fýra pakkar av Mr. Lee, tí tað er ikki at fáa í Danmark". 

Fleiri myndir frá kongaligu vitjanini kunnu síggjast her.