Landsrætturin staðfesti dóm í hassj-máli

Tvey fólk út Litava fingu átta mánaða fongsulsrevsing fyri at royna at smugla hassj til Føroya.

Fólkini, kvinna og maður, komu til Føroya við Norrønu úr Danmark í summar.

Í kuldaskápinum í kampingvogni teirra vóru 15 blikk. Í teimum vóru, sambært tí, sum stóð á blikkunum, niðursjóðaðar matvørur.

Men í blikkunum var hassj, sum sambært ákæruvaldinum skuldi seljast í Føroyum. 

Við tí hassjprísi, sum er vanligur her á landi, er talan um eina millión krónur.

Tey bæði nokta seg sek. Tey vístu einki um innihaldið í blikkunum, sum stóðu í kuldaskápinum, hava tey greitt frá.