Rókur og Lerkur á sølulista

Hjá meklarafyritøkuni Atlantic Shipping eru skipini sett til sølu fyri 32 milliónir krónur hvørt, meðan eingin prísur er á sølulýsingini hjá Atlantic Brokers.

Skipini eru bygd á Karstensens Skipasmiðju í Danmark um aldarskiftið.

Rókur og Lerkur eru tey elstu av tilsamans seks trolarum hjá Faroe Origin í Runavík. Bakur og Stelkur eru bygdir í 2002, meðan Heykur og Fálkur eru bygdir í 2007.

Skipini partrola fyri tað mesta eftir upsa. 

Hóast Rókur og Lerkur eru settir á sølulista, so er sambært reiðarínum eingin ítøkilig avgerð tikin um at selja.

Reiðaríið hevur ikki fleiri viðmerkingar í løtuni.