KÍ skrivar sáttmálar við lyklaspælarar

KÍ hevur tryggjað sær, at serbarnir Semir Hadzebulic og Deni Pavlovic eru í felagnum komandi tvey árini.

Norðlýsið skrivar, at báðir spælararnir hava longt sínar sáttmálar fram til 2020.

Semir Hadzebulic kom til KÍ úr albanska felagnum, Vllaznia Shkoder, í 2016. 

Síðan hevur 32 ára gamli miðvallarin verið millum bestu spælararnar í føroysku kappingini.

25 ára gamli miðverjin, Deni Pavlovic, kom til KÍ í ár úr serbiska felagnum Novi Pazar. Hann telist millum stinnastu verjuspælararnar í kappingini.