Mæltu fleiri ferðir frá at byggja

Tórshavnar býráð samtykti í tveimum umførum at broyta byggisamtyktina fyri eina trøð við Sundsvegin í Havn.

Trøðin var annars partur av einum stórum, friðaðum náttúruøki.

Hóast bæði umsitingin í býráðnum og landsmyndugleikarnir í fleiri førum mæltu frá at byggja á økinum, varð byggisamtyktin broytt í 2012 og aftur í 2016.

Í dag er loyvt at byggja 62 íbúðir á trøðni.

Seinnu ferð, byggisamtyktin varð broytt, sat kona Kristjan á Neystabø, Helena Dam á Neystabø, í býráðnum. Men sambært gerðabókunum var hon ikki við í viðgerðini av málinum.