Gamlir festarar skulu gevast

Lóg um landsjørð ásetur, at eingin festari skal vera eldri enn 70 ár.

Tí fer Búnaðarstovan í næstum at minna eldri festarar á, at teir skulu fremja festaraskifti.

Freistin at rigga av verður eitt ár. Tað er líka leingi, sum tá ið búgvið eftir deyðan festara verður gjørt upp.

Er nýggjur festari ikki funnin, tá ið freistin er farin, fellur festið aftur til Búnaðarstovuna.

Avgerðir um hesi viðurskifti kunnu kærast til Fiskimálaráðið.