Fyrireika tunnilsmunnan

Runavíkar kommuna sigur, at borað og sprongt verður næstu dagarnar.

Í fyrstu syftu verður borað í einar 14 dagar, so klárt er at gera betongmunnan.

Byrgt verður av við í minsta lagi 100 metra frástøðu, og blást verður í lúður, áðrenn sprongt verður, sigur Runavíkar kommuna.

Nú eru tilsamans 7.444 metrar sprongdir í Eysturoyartunlinum, sum verður góðar 11 kilometrar langur.

3.640 metrar eru sprongdir frá Streymoyarlandinum, og umleið 1200 metrar eru sprongdir frá rundkoyringi suðuri ímóti Hvítanesi.

Frá rundkoyringini til Rókina eru sprongdir tilsamans 980 metrar.