Fær ikki undantak frá regluni um útbjóðing

Tórshavnar kommuna noyðist nú at bjóða út alment stykkið, sum kommunan annars ætlaði at selja biogassverkinum, sum partafelagið Salmon Protein ætlar at byggja á Skarðshjalla.

Reglan er, at øll kommunal ogn, størri enn 300 fermetrar, skal bjóðast út, skal hon seljast. 

Men Tórshavnar kommuna ætlaði í hesum førinum at fáa undantak frá hesari regluni.

Men tað vildi Innlendismálaráðið, sum umsitur kommunumál í landsstýrinum, ikki.

Talan er um 20.000 fermetrar, sum P/f Salmon Protein skal kunna keypa.

Byráðið fer at viðgera málið hóskvøldið.