B68 kann flyta upp í kvøld

Spenningurin er stórur á Toftum, tí í kvøld kann B68 vinna seg upp aftur í Betrideildina.

Skal tað eydnast, má B68 fyrst og fremst gera sítt. Teir skulu vinna sín dyst, sum er í Gøtu ímóti Víkingi.

Samstundis er neyðugt, at antin KÍ ella NSÍ missa stig. KÍ spælir á útivølli móti HB. NSÍ spælir á útivølli móti GizaHoyvík.

B68 skal í øllum førum enda á triðja plássi, um teir skulu flyta upp. Í løtuni eru teir á fjórða plássi.

NSÍ og KÍ eru beint omanfyri B68, tey hava 52 stig í part. B68 hevur 51 stig og nakað verri málmun eisini.

Seinasta umfar í 1.deild verður spælt í kvøld klokkan 18.00