Partarnir skulu sjálvir tingast um eina semju

Ljósmøðrafelagið og Lønardeildin í Fíggjarmálaráðnum eru framvegis til seming um ein nýggjan sáttmála.

Semingsstovnurin boðsendi pørtunum til fundar klokkan 10 fyrrapartin, 

Semingsmenninir ganga millum partarnar, og partarnir sita eisini yvir av hvør øðrum og tingast.

Terje Sigurðsson, semingsmaður, sigur, at dentur verður lagdur á, at partarnir sjálvir semjast um ein nýggjan sáttmála.

Endaði við verkfalli

Hann vísir á, at Ljósmøðrafelagið hevur vrakað eitt semingsuppskot, og tað endaði við verkfalli.

Sum støðan er, er eingin ætlan um at leggja nýtt semingsuppskot fram.

Verður tað neyðugt, fara semingsmenninir at sita við pørtunum eisini í kvøld og í nátt, sigur Terje Sigurðsson.