Sleppa ikki í íslendskan sjógv næsta ár

Samráðingar hava verið um sáttmálan og tann seinasti fundurin var hildin í Keypmannahavn 23. oktober.

Partarnir samskifta kortini, og so seint sum í gjár var samskifti, sigur Andras Kristiansen, deildarstjóri í Fiskimálaráðnum.

Lodnufiskiskapurin plagar at byrja um mánaðarskiftið januar/februar, men tað er óvist um nøkur lodna verður at fiska næsta ár, tí tilmælið um lodnufiskiskapin sigur, at einki skal fiskast næsta ár.

Tað er ikki fyrr enn út á várið, at línuskipini plaga at fara í íslendskan sjógv at fiska, og tí kunnu viðurskiftini broytast til ta tíð, sigur Andras Kristiansen.