Leigunevndin fær stórar heimildir uttan vegleiðing

Spurningurin er, um ikki Leigunevndin fær ov stórar heimildir til at broyta eina húsaleigu.

Spurningurin er eisini, um Leigunevndin yvirhøvur er før fyri at avgera, nær ein húsaleiga er av stór.

Føroya arbeiðsgevarafelag er ikki fegið um uppskotið um at broyta leigulógina, so Leigunevndin kann vraka eina húsaleigu, tí hon er ov stór.

Hetta fer ikki at økja um áhugan at leiga út, serliga tá tað er so ógreitt, hvussu høg ein avtalað leiga kann vera, áðrenn hon kann verða sett til viks, sigur Arbeiðsgevarafelagið.

Sambært lógarbroytingini skal leigan vera greitt órímilig, áðrenn avtalaða leigan kann setast til viks.

Men útleigarar og Leigunevndin fáa í viðmerkingunum um broytingina avmarkaða hjálp til at tulka hesa áseting, sigur Arbeiðsgevarafelagið. 

Í viðmerkingiunum stendur, at avtalaða leigan skal vera lutfalsliga greitt omanfyri kostnaðarstøðið á leigumarknaðinum annars, áðrenn Leigunevndin kann seta hana til viks.