Henrik Old í Fólkatingið

Henrik Old úr Javnaðarflokkinum tekur í dag sæti á Fólkatingið fyri Sjúrð Skaale, fólkatingsmann, sum fer í farloyvi. Henrik Old sigur, at hann fer at verða í Fólkatinginum í umleið tvær vikur.

Hetta er fyrstu ferð, at Henrik Old tekur sæti í Fólkatinginum. Henrik Old gjørdist nummar fimm á listanum hjá Javnaðarflokkinum til seinasta fólkatingsval.

Sjúrður Skaale gjørdist nummar eitt á listanum, men hini, sum gjørdist nummar tvey, trý og fýra sita øll í landsstýrinum, og tí verður tað Henrik Old, ið fer at loysa av í Fólkatinginum komandi vikurnar.

Fólkatingið hevur fund klokkan 13 í dag, og tá fer Henrik Old at taka við sessinum.