Greta er klár: Hetta verður mítt ár

Í einum kjallara í Miðvági sita Greta Svabo og Fred Ruddick og arbeiða í hvør sínum rúmi og í hvør sínum lagi.

Ella ikki heilt. 

Tí lagið er hitt sama; tey samstarva, og tey royna nú at fáa tað síðsta uppá pláss.

Okkurt verður tikið upp í kjallaranum, meðan okkurt annað verður tikið upp hinumegin knøttin og sent til Miðvágs.

Fyrsta lagið hjá Gretu er longu útkomið.

Og í næstum koma løgini út - sum perlur á einum tráði.