Føroya rættur skal hava dómsmenn

Føroya rættur skal hava dómsmenn
Føroyska rættargangslógin skal broytast, ikki bara onkur grein her ella har, men øll lógin sum hon er, er endurskoðað
Føroya rættur skal hava dómsmenn. Dómsmenn eru vanlig fólk, sum viðgera rættarmál saman við løgfrøðiligum dómarum
 
05.04.2019 - 15:40

Føroyingar og danir hava síðani 2017 endurskoðað lógina, sum er meira enn 30 ára gomul. Hetta arbeiðið er nú liðugt og sent til hoyringar.

Millum annað skal Føroya rættur hava dómsmenn. Sambært uppskotinum skulu tveir dómsmenn vera í ávísum revsimálum. Og tríggir, tá Landsrætturin er í Føroyum.

Dómsmenn skulu eisini viðgera vanlig revsimál

Dómsmenn eru vanlig fólk, sum viðgera rættarmál saman við løgfrøðiligum dómarum. Í Føroyum eru vanlig fólk tó longu dómarar. Í nevningamálum eru 12 fólk, sum ikki eru løgfrøðiligir dómarar, nevningar. 

Í nevningatingum er sakarkravið í minsta lagi fýra ára fongsul. Men sambært nýggja uppskotinum um rættargangslóg fyri Føroyar, skulu dómsmenn eisini viðgera vanlig revsimál, har sakarkravið er minst seks mánaða fongsul.

Í stórum borgaraligum málum, sum hava prinsiellan týdning, verða tríggir løgfrøðiligir dómarar. Málið millum Fíggjarligt støðufesti og oddamenninar í Eik er gott dømi um slíkt sakarmál, har dómsmenn verða brúktir í Danmark.

Nýggja rættargangslógin viðgerast í heyst

Uppskotið sigur eisini, at Føroya rættur kann senda eitt mál beinleiðis til Eystara landsrætt, so fyrsta viðgerðarstig verður har.

Slík mál kunnu fara í Hægstarætt uttan loyvi krevst frá Processbevillingsnævnet. Í uppskotinum um nýggja rættarganglóg fyri Føroyar eru 1086 greinar.

Sambært Løgmansskrivstovuni eru fleiri enn 200 lógarbroytingar gjørdar í donsku rættargangslógini, sum ikki eru settar í gildi fyri Føroyar. Nýggja rættargangslógin skal viðgerast í løgtinginum og í fólkatinginum í heyst.

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592