Kim Jong-un er opin fyri nýggjum toppfundi

Kim Jong-un sigur, at tað vóru júst kravboð og órímilig krøv, sum forkomu samráðingunum millum USA og Norðurkorea, tá leiðararnir báðir hittust í Vjetnam í februarmánaði. 

Tað sigur Kim Jong-un í talu til tjóðartingið, skrivar almenna norðurkoreiska tíðindstovan, KCNA. Hann mælti í taluni til at loysa trupulleikarnar gjøgnum samskifti og samráðingar. 

– Amerikanski mátin við kravboðum til Norðurkorea er eingin gongd leið, segði Kim Jong-un.

 >> SÍ EISINI Her kemur Kim Jong-un til toppfund í Vjetnam

Kim Jong-un er opin fyri nýggjum toppfundi við Trump. Seinasti toppfundurin var í høvuðsstaðnum í Vjetnam, Hanoi, og vardi í tveir dagar. 

Eftir ætlan skuldi avtala undirskrivast um noðurkoreisku kjarnorkuætlanirnar, men næsta fundardagin varð fundurin slitin, og leiðararnir báðir fóru heimaaftur við ongari bindandi avtalu.

Eftir fundin søgdu samráðingarfólk hjá USA, at Norðurkorea vildi ikki binda seg til avdubbing.