Trý nýggj føroysk met

Trý nýggj føroysk met
FM í langgeil var í Páls Høll í Vági um vikuskifti
 
28.04.2019 - 16:40

Eftir tríggjar langar finaludagar í Vági, eru allir føroyameistararnir í langgeil funnir. Summir av svimjarunum fingu ikki bert gullheiðursmerkir heimvið, men eisini nýggj, flott føroysk met.

 

Fimm hundraðpartar skjótari

Kvinnurnar hjá Ægir settu føroyskt met í 4x100 blandaðari svimjing. Tær megnaðu at svimja teinin við tíðini 4:33.08. Tíðin er 5 hundraðpartar skjótari enn gamla tíðin, ið kvinnurnar hjá Ægir eisini áttu.

Tær fýra, ið settu met, vóru: Signhild Joensen, Rebekka Trygvadóttir, Malan Jóhansdóttir og Barbara Debes.

 

Enn einaferð Vár

Vár Erlingsdóttir Eidesgaard megnaði at svimja tíðina 2:27.37 í 200m firvald. Hon eigur harvið eisini føroyskt met. Tíðin var 1.03 sekund skjótari enn gamla metið hjá Janu Thomsen.

 

Les eisini: Summir sigrar eru søtari enn aðrir

 

Tvey sekund skjótari

Dreingirnir úr Havnar Svimjifelag settu eisini føroyskt met, tá teir svumu 4x100 frísvimjing við tíðini 3:40.31. Eisini áttu teir gamla metið.

Teir, ið mannaðu liðið eru: Jóhan N. Dam, Óli Mortensen, Alvi Hjelm og Bartal E. Eidesgaard.

 

Er kopiera
Nýggjastu sendingar í ÚV
Mikudag 14. august
Marjun Syderbø Kjelnæs
178897
Mikudag 14. august
Morgunlestur mikudagur 14. august 2024
179078
Týsdag 13. august
Minibarrin - 90'ini í poppi og hendingum
176763
Týsdag 13. august
Musikkstevnan 2024 í Fuglafirði (2:2)
179157
Nýggjastu sendingar í SV
Mikudag 14. august
Dagur og vika - teknmálstulkað
179206
Týsdag 13. august
Eg noyðist at lurta
179189
Týsdag 13. august
Veðrið
179177
Mánadag 12. august
Hin rusuti á Aconcagua (7:10)
177967
Fríggjadag 9. august
Veðrið
179049