Vænta nógvar áskoðarar til dystin

Einir túsund føroyingar í Danmark koma væntandi til Farum Arena í kvøld at síggja føroyska manshondbóltslandsliðið spæla móti Montenegro.

Hetta er síðsti heimadysturin hjá Føroyum í undankappingini til EM-endaspælið næsta ár. Hondbóltsdysturin millum Føroyar og Montenegro byrjar klokkan 18:30 í kvøld.

Dysturin verður vístur í sjónvarpinum, og vit byrja at senda úr Farum klokkan 18:15.  Dagur og vika kemur tí ikki fyrr enn eftir dystin umleið klokkan 20:00.