Her er minnisvarðin í Svínoy

Ein minnisvarði er nú at síggja í Svínoy. Minnisvarðin er reistur fyri tey, sum eru farin í vanlukkum í Svínoy, og hetta er skipað so langt aftur í tíðina, sum skrivligar keldur greiða frá vanlukkunum.

Tað er farið heilt aftur til 1739 og fram til 1984. í hesum tíðarskeiði eru 51 menn og ein kvinna farin.

Svínoy hevur verið hart rakt av bátsvanlukkum. Í tíðarskeiðnum 1861-1913 gingu seks Svínoyarbátar burtur við tilsamans 24 monnum. 

Listarmaðurin Edward Fuglø hevur sniðgivið minnisvarðan, sum er framleiddur í Týsklandi.