- Tíðindi, mentan og ítróttur
Føroyar tóku fet móti finaluni
Føroyar tóku fet móti finaluni
Føroyska U17 landsliðið bukaði Hvítarussland av í fyrsta dystinum í miðumfarinum
![](https://kvf.fo/sites/default/files/styles/grein-ovasta-mynd/public/harald77_0.jpg?itok=fZYpyZHS)
Mynd: Harald Bjørgvin
04.07.2019 - 11:19
Føroyska U17 landsliðið í hondbólti hevur tikið týdningarmikið fet móti finaluni í European Open í Gøteborg.
Í morgun vunnu Føroyar 32-21 á Hvítarusslandi, sum var bólkavinnari í bólki D. Hálvleiksstøðan var 19-9 til Føroyar.
Toppskjútti á føroyska liðnum bleiv Elias Ellefsen á Skipagøtu við ellivu málum.
Í løtuni spæla Spania og Ungarn. Vinnur Spania tann dystin, so hava Føroyar tryggjað sær pláss í finaluni.
Vinnur Ungarn dystin, skulu Føroyar hava vinna ella spæla javnleik ímóti Ungarn seinnapartin.
Føroyar og Ungarn spæla klokkan 14.45. FM 1 sigur frá dystinum, og hann verður eisini stroymdur á ehftv.com
Føroyar-Hvítarussland 32-21 (19-9)
Elias Ellefsen á Skipagøtu | 11 mál |
Hákun West av Teigum | 6 mál |
Janus Dam Djurhuus | 4 mál |
Pauli Mittún | 3 mál |
Rói Ellefsen á Skipagøtu | 3 mál |
Viktor Gaini | 2 mál |
Sveinur Olafsson | 2 mál |
Bogi Hansen | 1 mál |
Nýggjastu sendingar í ÚV
Nýggjastu sendingar í SV