Føroyar vunnu European Open

Føroyska U17 landsliðið í hondbólti hevur hugtikið alt Føroya land í eina viku, og dreingirnir settu krúnuna á verkið í kvøld.

Føroyar vunnu, frammanfyri 6.000 áskoðarum, 36-29 á Svøríki í finaluni. Hálvleiksstøðan var 16-15 til Føroyar

Dysturin var ógvulig javnur, har liðini bæði mest sum skiftust um at skora mál líka til 15 minuttir vóru eftir.

Tá eitt korter var eftir var framvegis púra javnt, men so byrjaði at síggjast munur á. Føroyska liðið vísti enn einaferð øgiliga styrki.

Hetta var serliga sjónligt, tá føroyska liðið móti endanum hevði eina trygga leiðslu og loyvdi sær at undirhalda mongu áskoðarunum við flottum detaljum.

Síðstu løtuna var alt avgjørt, og tað bleiv bara bíðað eftir, at dreingirnir kundu hátíðarhalda hendan flotta sigurin saman við venjaraparinum, Julian Johansen og Mark Marcher.

Tað er eingin ivi um, at talan er um ein serligan árgang, tí tað er mest sum óhoyrt, at eitt so lítið land sum Føroyar kann vinna eina so stóra kapping í liðítrótti.

24 evropeisk landslið vóru við frá byrjan, og Føroyar hava vunnið kappingina!

hoppa.jpg

Svøríki-Føroyar 29-36 (16-15)

hoppa3.jpg

Hesir hava umboðað Føroyar í European Open

U17

Úrslitini hjá Føroyum í European Open