Sigldu við ov nógvum ferðafólkum

Politiið varð boðsent og kom á staðið alt fyri eitt, skrivar Vørn á heimasíðuni. Í sambandi við Ovastevnuna var nógv virksemi við RIB bátum. 

RIB bátarnir sigldu við fólki á Nóloyarfirði. Brimil var á fjørðinum. Tríggir RIB bátar blivu kannaðir.

Hjá tí eina bátinum var alt í lagi. Hínir báðir høvdu ov nógv ferðafólk. Loyvt er at hava í mesta lagi 12 ferðafólk.

Skipini hjá Vørn fara í samstarvi við Sjóvinnustýrið og politiið at hava eitt vakið eyga við hesum virksemi í framtíðini, skrivar Vørn á heimasíðuni.