Sterk spreinging í Keypmannahavn

Um hálvgum tíggju tíðina í gjárkvøldið var ein sterk spreinging uttan fyri bygningin hjá Skattastýrinum á Eysturbrúgv í Keypmannahavn.

Løgreglan sigur, at tvey fólk vóru í bygninginum, tá spreingingin var, men hvørgin fekk skaða. 

Morten Bødskov, skattamálaráðharri, sigur, at hetta er ein ógvuslig gerð, og hann heitir á fólk um at hjálpa løgregluni við upplýsingum.

Klædningurin á bygninginum, sum millum annað er av glasi, hevur fingið stóran skaða.