Tyrlan eftir kvinnu í haganum

Um náttaratíð í gjár vóru boð eftir bjargingartyrluni, tí ein kvinna hevði meislað sær beinið í haganum norðarlaga á Viðoynni.

Kvinnan var farin í Ormadal ein túr saman við einum øðrum, men var óheppin, at fáa somikið av skaða í beinið, at hon ikki fekk gingið. 

Tað gekk skjótt, at fáa kvinnuna á Landssjúkrahúsið. Longu ein tíma eftir, at fráboðanin kom til MRCC Tórshavn, setti tyrlan seg við kvinnuni við Landssjúkrahúsið.

Talan var um eina føroyska kvinnu, verður sagt av MRCC-støðini.