Øki til skjótibreyt funnið

Líkt er til at øki er funnið til skjótibreyt í Klaksvík. Mentanarnevndin og fíggjarnevndin hjá býráðnum mæla til, at skjótibreytin verður á Bumshamri.

Tilmælið er, at pengar til lendisarbeiðið verða settir av í fíggjarætlanini fyri 2020.Leitað hevur verið eftir øki til skjótibreytina í Klaksvík, og nógvar staðsetingar eru nevndar.

Bumshamar er mettur at vera væl egnaður, men lendisarbeiði skal gerast fyri at fáa eina fløtu. Økið á Bumshamri er nakað burtur frá búseting og sæst ikki úr býnum. Kommunan eigur lendið.