Nýggj grundlóg í Sýria

Serligi sendimaðurin hjá ST í Sýria, norðmaðurin Geir O. Pedersen, skal leggja nevndini lag á samáðingarnar. Ætlanin er, at grundlógarnevndin skal hava høvuðssæti í Geneve, upplýsir samráðingarleiðarin.

150 limir skulu vera í nevndini. Ein triðingur skal veljast av stjórnini, ein triðingur av andstøðuni, meðan ST skal tilnevna seinasta triðingin.

Ósemja hevur verið um grundlógina, tí stjórnin vil bert gera smávegis broytingar í verandi grundlógini í Sýria, meðan andstøðan vil hava eina nýggja grundlóg fyri landið.

Ynskið komið úr Sýria

– Eg vænti og vóni, at grundlógarnevndin fer at hava við sær, at kríggið í Sýria endar, sigur ST aðalskrivarin, Antonio Guterres.

Hann legði aftrat, at ynskið um nevndina er komið úr Sýria, og at fólk úr Sýria skulu standa á odda fyri grundlógarnevndini.

Seinastu tíðina hava herdeildir hjá Bashar al-Assad, forseta, við hjálp úr Ruslandi, tikið stór økir í Sýria, og mett verður, at stjórnarherurin hevur valdið á 60 prosentum av landinum.