Hava fjalt seg í kjallara í 10 ár

- Tað er ógreitt, um tey vóru har av egnum vilja. Hesi seks fólkini hava hildið til á bústaðinum síðani 2010, skrivar løgreglan í Drenthe-økinum í fráboðan. Tað var elsti sonurin í familjuni, sum vendi sær til løgregluna, tí hann stúrdi fyri umstøðunum hjá familju síni. 

Løgreglan sigur, at seks persónar vóru funnir í einum kjallar, har "kjallari ikki skuldi vera". Sambært løgregluni er talan um ein pápa og fimm børn, sum er millum 18 og 25 ára gomul, skrivar fjølmiðlar.

Teir seks persónarnir eru eftir øllum at døma ikki í nøkrum kommunalum yvirliti yvir borgarar ella íbúgvar. 

Løgreglan hevur handtikið ein 58 ára gamlan mann, sum leigar húsini. Tað er ikki greitt, hvat tilknýti hann hevur við familjuna í kjallaranum, men hann er ikki pápi børnini, sigur borgarstjórin í Ruinerwold.

Niðurlendskir fjølmiðlar søgdu ígjár, at familjan var sera gudrøkin, og bíðaði í kjallaranum eftir heimins enda. 

Niðurlendskir fjølmiðlar hava tosað við fleiri grannar, og allir siga, at tey ongantíð hava sæð onnur fólk á ognini enn 58 ára gamla mannin.