Latið inn hevur Rakul J. Tróndheim hin Týs, 12/08/2015 - 19:03
Danny & The Veetos er lutfalsliga nýggjur bólkur á føroyska tónleikapallinum. Bólkurin bleiv stovnaður stutt áðrenn Sement kappingina í 2013, har teir eisini luttóku.
Latið inn hevur Rakul J. Tróndheim hin Frí, 12/04/2015 - 16:46
Nú vit eru komin inn í desember, hevur Ranchus valt at geva út nýggja jólalagið ”Yule”, ið er enska orðið fyri jól. (Ranchus heitir á øll um at ”googla” orðið!)
Sambært bólkinum snýr lagið seg um, at henda myrka tíðin á árinum bert er fyribils. Og tá ið jólaaftan so er, tá er stytsti dagur longu aftanfyri okkum, og er hetta tekin um, at teir ljósu dagarnir aftur eru ávegis.
Latið inn hevur Rebekka Manuela... hin Frí, 12/04/2015 - 02:20
Skrivað hevur: Pætur Jákupsson
Seinastu tíðina hevur Jógvan Joensen, ið bleiv kendur fyri at luttaka í X-factor kappingini í Danmark, arbeitt við eini EP. Í morgin tann 4 desembur verður hon givin út á fløgu, og tann 5 verður hon útgivin digitalt. Lagið “Gloym Meg Ei” er útgivið í dag saman við tekstasjónabandinum, ið sæst niðanfyri. EP’in er framleidd av Høgna Lisberg.
Latið inn hevur Rakul J. Tróndheim hin Ley, 11/21/2015 - 01:08
Ann Chanett Danielsen og Søren Haugaard Pedersen, ið saman kalla seg Mahanna, hava útgivið sítt fyrsta videolag 'Hjarta Mítt Lær', har dentur verður lagdur á ymiskleika og kærleika.
Mahanna er ein lutfalsliga nýggjur bólkur á føroyska tónleikapallinum, og er tað serliga elektropopp, ið tey spæla. 'Hjarta Mítt Lær' er næsta lagið, ið bólkurin hevur givið út. Fyrsta lagið kallast 'Here We Come', og kanst tú lurta eftir tí her.
Latið inn hevur Katrin Dahl Hanusson hin Mán, 11/09/2015 - 17:43
Eivør hevur í ár givið út tvær fløgur. Tann fyrra fløgan, Room, kom út í vár. Seinna fløgan, Slør, kom út til heystar. Nú hevur Eivør latið úr hondum nýggja sjónbandalagið, Brotin, sum Dávur Djurhuus hevur framleitt.
Lagið, Verð mín, sum eisini finst á nýggju útgávuni, liggur á netinum sum tekstsjónbandalag. Marjun S. Kjelnæs eigur orðini, og Máni M. Sigfússon hevur framleitt sjónbandið.
Latið inn hevur Sonja Wang Hansen hin Frí, 11/06/2015 - 08:18
Síðst í august spældi Konni Kass eina konsert í Sirkus, sum var eitt slag av upphitan, áðrenn hon við bólki sínum fór í studio.
Konni Kass vann í mai mánað tónleikakappingina Sement, har hon vann studiotíð í Studio Bloch. Konni hevur seinastu mánaðirnar verið í studio og spælt inn løgini, sum nú bert mangla smáar rættingar. Miksingin av fløguni byrjar í komandi árinum, og vit kunnu í 2016 vænta okkum eina fløgu frá Konni Kass.
Sí sjónbandið av Konni Kass beinleiðis í Sirkus omanfyri.