Mong minnast tann stóra, reyða Volvobussin hjá Kriss, sum koyrdi við skúlabørnum frá 1968 til miðskeiðis í 1980-árunum. Og hesin bussurin, sum er frá 1957, er í dag ein av teimum mongu og sera forkunnugu savnslutunum á Danmarks Jernbanemuseum í Odense.
Vit tosa við René Schrøder Christensen, ið er granskingar- og savnsleiðari á Danmarks Jernbanemuseum, og Eydis Niclasen, Djóna Nolsøe Joensen og Símun Jóannessarson Hansen, ið øll hava góð minnir frá tíðini, tá ið tey sum børn koyrdu í bussinum hjá Kriss.
Ein annar sermerktur bussur, ið eisini hevur eina spennandi søgu, er Volvo bussurin, sum Sámal Bláhamar keypti frá Simon Spies í 1984, og sum fekk navnið Tora. Og í hesari frásøgnini tosa vit við Tórhardu og Sámal Bláhamar um bussin, samstundis sum tað eisini verður nomið við Mercedes limosinuna, ið fekk navnið Diddan.
Tú kanst hoyra sendingina her!