Fleiri sambandsmenn taka undir við tilfeingisgjaldi

Ein tingmaður afturat í Sambandsflokkinum mælir nú til tilfeingisgjald á makrel.<div style="font-style: normal; "><br></div><div style="font-style: normal; ">Reimund Langgaard sigur í grein á Vágaportalinum í dag, at landskassin eigur at fáa í minsta lagi 150 miliónir krónur í beinleiðis inntøkum frá makrelinum, umframt aðrar avleiddar inntøkur, so sum skatt og partafelagsskatt.</div><div style="font-style: normal; "><br></div><div style="font-style: normal; ">-&nbsp;Endamálið má vera, at ogn Føroya fólks verður gagnnýtt á besta hátt, soleiðis at
føroysk skip við føroyskari manning eins og føroysk virki á landi við føroyskari
arbeiðsmegi fáa gagnnýtt tað føroyska tilfeingið, umframt at undirskotið á
fíggjarlógini lækkar í minsta lagi niður í 200 milliónir krónur, skrivar Reimund Langgaard.</div><div style="font-style: normal; "><br></div><div style="font-style: normal; ">Hann sigur eisini, at samfelagið er ov dýrt at reka, og tí eigur inntøkan frá tilfeinginum ikki at taka uppgávuna frá politikarunum at rasjonalisera samfelagið.</div><div style="font-style: normal; "><br></div><div style="font-style: normal; ">Frammanundan hava Kaj Leo Holm Johannesen, løgmaður, Johan Dahl, landsstýrismaður, og Eivin Jacobsen, løgtingsmaður, allir úr Sambandsflokkinum, mælt til tilfeingisgjald.&nbsp;</div><div style="font-style: normal; "><br></div><div style="font-style: normal; ">Johan Dahl skrivar í eini kronikk, at landskassin kann vænta at fáa millum hálvt annað hundrað og góðar 300 milliónir krónur í tilfeingsigjaldi frá uppsjóvarfiski longu í ár.</div><div style="font-style: normal; "><br></div><div style="font-style: normal; ">Løgmaður hevur sett ein arbeiðsbólk í samgonguni at gera uppskot um framtíðar uppsjóvartilfeingi.&nbsp;</div><div style="font-style: normal; "><br></div><div><i>Mynd. Reimund Langgaard heldur, at makrelurin eigur at geva landskassanum í minsta lagi 150 milliónir kr. í inntøku.</i></div>