Fleiri bankar vilja sleppa av við Moody´s

<div>Fleiri danskir peningastovnar umhugsa nú at geva kredittmetingarfyritøkuni Moody´s durafjórðingin.</div><div><br></div><div>Jyllandsposturin veit frá fleiri keldum, at leiðslurnar í fleiri donskum bankum og realkredittstovnum óformliga tosa um, hvørt tey skulu sleppa samstarvinum við Moody´s, eftir at kredittmetingarfyritøkan hevur hótt við at lækka kredittmetingina hjá fleiri donskum peningastovnum.</div><div><br></div><div>Nykredit hevur ongar viðmerkingar til málið, men Spar Nord, Jyske Bank og Sydbank umhugsa sína framtíð saman við Moody´s.&nbsp;</div><div><br></div><div>- Tað er greitt, at tað, sum hevur hent, fær okkum at umhugsa, hvat vit yvirhøvur skulu brúka eina kredittmeting til. Tá vit hyggja at okkara viðurskiftum, eru vit á einum kredittmetingarstigi, sum vit ikki kunnu brúka serliga nógv. Um metingin fellur enn meira, hava vit enn minni brúk fyri henni, sigur samskiftisstjórin hjá Spar Nord, Ole Madsen, sambært Børsen.</div><div><br></div><div>Bank Nordik hevur júst avgjørt at siga upp samstarvið við Moody´s.&nbsp;</div><div><br></div><div>Janus Petersen, forstjóri, sigur, at bankin er so væl fyri fíggjarliga, at hann hevur ikki tørv á at taka lán. Tí tað er bara í sambandi við lántøku, at bankin hevur brúk fyri kredittmeting, sigur Janus Petersen.</div>