- Tíðindi, mentan og ítróttur
Grein 25 nevnd skal gera uppskot um veiðiloyvisskipan
<div><br></div><div>Allir flokkar vilja skapa tryggar karmar um føroysku fiskivinnuna, og tí eigur løgtingið at seta eina nevnd við umboðum fyri allar flokkar at gera uppskot til nýggja skipan fyri føroysku fiskivinnuna.</div><div><br></div><div>Tað heldur andstøðan á tingi. </div><div><br></div><div>Tjóðveldi, Javnaðarflokkurin og Framsókn hava í felag lagt fram uppskot til samtyktar um at seta eina grein 25 nevnd, sum - saman við ráðgeving frá fiskivinnuni, serfrøðingum og øðrum - skal gera uppskot um eina nýggja skipan, ið skal verða galdandi frá 1. januar í 2018.</div><div><br></div><div>- Nú øll fiskiloyvi ganga út í 2018, er neyðugt, at nýggj skipan verður gjørd sum skjótast, soleiðis at vinnan fær greið boð um broytingarnar, stendur millum annað í viðmerkingunum til uppskotið.</div><div><br></div><div>Grein 25 nevndin skal gera uppskot til fiskivinnunýskipan, sum skal tryggja eina burðardygga fiskivinnu, bæði lívfrøðiliga og fíggjarliga, frá 1. januar 2018. Uppskotsstillararnir mæla til, at arbeiðið verður liðugt í heyst.</div><div><br></div><div><i>Grafikkur: Jan M. Arnskov</i></div><div><br></div>
