Mál um fíggjarundandrátt fer nú í rættin

Fyrrverandi roknskaparleiðarin í Kringvarpinum er skuldsettur fyri at hava framt fíggjarundandrátt fyri hálva triðju millión krónur

20.03.2012 - 16:31

<div>Málið móti fyrrverandi roknskaparleiðaranum í Kringvarpinum,  sum er skuldsettur fyri at hava framt fíggjarundandrátt, kemur fyri í Føroya Rætti 18. apríl.</div><div><br></div><div>Ákæruvaldið skuldsetur fyrrverandi roknskaparleiðaran fyri fíggjarundandrátt av serlga grovum slagi. Hann kann verða dømdur átta ára fongsul, - alt eftir, hvussu grovur framgangsmátin hevur verið, og hvussu oftani tað er gjørt.</div><div><br></div><div>Fyrrverandi roknskaparleiðarin er skuldsettur fyri at hava framt fíggjarundandrátt fyri hálva triðju miljón krónur, frá 1987 til 2010, tá hann varð tikin. Talan er um eitt játtanarmál, og rætturin hevur sett tveir tímar av at viðgera málið.</div><div><br></div>