- Tíðindi, mentan og ítróttur
Noktar seg framvegis sekan í manndrápi
<div>Maðurin, sum er skuldsettur fyri at hava beint fyri Dánjali Peturi Hansen fyrst í november í fjør, skal vera fýra vikur afturat í varðhaldinum í Mjørkadali.</div><div><br></div><div>Tað gjørdi Føroya rættur av á stuttum rættarfundi fyrrapartin. Skuldsetti maðurin kærdi avgerðina hjá rættinum til Landsrættin.</div><div><br></div><div>32 ára gamli maðurin er framvegis skuldsettur fyri manndráp ella í øðrum lagi fyri deyðiligan harðskap. Aftur í dag noktaði hann seg sekan. Ákærin bað um at fáa rættarfundin hildnan fyri afturlatnum hurðum fyri ikki at órógva kanningararbeiðið hjá politinum. Tað hevði verjin onga viðmerking um.</div><div><br></div><div>Skuldsetti varð fyrstu ferð varðhaldsfongslaður tann 16. november í fjør - dagin eftir, at hann varð handtikin. </div><div><br></div>
