- Tíðindi, mentan og ítróttur
Vanlukkuskiparin var drukkin
<div>Vanlukkan eftir bátastevnuna í Vestmanna í fjør er nú avgreidd við dómi í Sjórættinum í Havn. Maðurin, sum førdi bátin, fekk fríggjadagin 10.000 kr. í bót fyri at føra bát, sjálvt um hann var ávirkaður. Í dóminum stendur, at promillan var 1,52. Sjórætturin sigur, at maðurin, sum førdi bátin, var so ávirkaður, at hann var ikki førur fyri at stýra bátinum á tryggan hátt.</div><div> </div><div>Tveir menn doyðu í vanlukkuni. Hóast leitað var eftir teimum bæði væl og leingi, kom hvørgin afturíaftur. Báturin var á veg til Havnar úr Vestmanna tíðliga sunnumorgunin 22.mai í fjør. Úti fyri Lambatanga millum Velbastað og Syðradal siglir báturin á okkurt og søkkur skjótt. Fimm menn vóru við bátinum. </div><div><br></div><div>Triggir vórðu bjargaðir. Tveir vóru á helluni og tann triði varð funnin á sjónum norðan fyri Koltur, tríggjar fjórðingar vestan fyri staðið, har sum vanlukkan hendi. Maðurin var í flotbúna og bjargingarvesti. </div><div><br></div><div>Dømdi maðurin noktaði seg sekan í at hava brotið sjólógina. </div><div><br></div><div>Ein annar maður fekk eisini 10.000 kr. í bót fríggjadagin fyri at sigla fullur. Hann er dømdur fyri at sigla á Eystnes tíðliga á morgni sunnudagin 23.oktober í fjør.</div><div>Blóðroyndin vísti promilluna 1,44. </div><div><br></div><div>Við hesum báðum dómunum hevur Sjórætturin sagt, at revsingin fyri at føra bát við kenning er 10.000 kr. í bót umframt sakarkostnað.</div>
