- Tíðindi, mentan og ítróttur
Edmund Joensen finst at sínum egnu
<p><b>Hvar er anstændigheitin?</b><br><br><b>Man trýr tí ikki: Sambandsflokkurin
stendur á odda fyri einum høgra-liberalistiskum politikki, ið hækkar
pensjónsaldurin "overnight", rekur a-sosialan skattapolitikk og órógvar privatu
pensjónsuppsparingarnar hjá fólki</b><br><br>Saman við fíggjarkørmunum fyri
komandi árini er eisini sveinastykkið hjá ABDH-samgonguni
almannakunngjørt.<br><br>Hetta sær ikki hugaligt út.<br><br>Ikki tí.<br><br>Sumt
er bæði gott og neyðugt. Til dømis er onkur veik ábending um, at tilfeingisgjald
verður ásett, og at størri partur av rávøruni skal upp á land til virkingar í
Føroyum. Vónandi verður tað gjøgnumført, men royndirnar vísa, at onki er
víst.<br><br>Hinvegin er tað púra burturvið, at samgongan undir sambandsleiðslu
vil hækka pensjónsaldurin "overnight" upp í 68, 69 ella 70 ár. Ongin veit
rættiliga, hvør ið ætlanin er, og tað er eisini burturvið, tí tað skapar
ótryggleika.<br><br>Afturat hesum kemur tað, sum frammanundan er lagt á
borðið:</p>
Pensjónir skulu skattast við inngjald
A-sosialur flatur skattur við nøkrum fáum knekkum er innførdur <p><br><b>Óanstændugt<br></b>Fyri at siga sum er, hoyrir hesin politikkurin ikki
heima har, ið ein sosial-liberalur Sambandsflokkur hevur leiðsluna.<br><br>Tað
er óanstændugt, at henda samgongan vil rykkja teppið undan teimum mongu, sum
standa til at fara á fólkapensjón komandi árini. Soleiðis kann man ikki fara við
fólki.<br><br>Broytingar í pensjónsaldrinum í einum samfelag krevja eina
serstakliga góða umrøðu í almenninginum. Broytingar mugu eisini fremjast varliga
yvir eitt rímiligt áramál, so fólk hava høvi at leggja sær lívið til rættis
eftir grundleggjandi broyttum umstøðum.<br><br>At geva fólki eina 9 mánaðar
freist hoyrir ongastaðni heima.<br><br><b>Rokning fyri ørðvitisskapin
fullveldisárini</b><br>Andstøðan í Løgtinginum stendur í hesum døgum á
síðulinjuni og finst at. Á ein hátt er tað skiljandi, men í grundini er hetta at
finnast at sær sjálvum.<br><br>Sparingarnar, ið nú raka, eru fyri stóran part
avleiðing av, at fullveldisstýrið í óðum verkum - eisini "overnight" - skar
burtur ein stóran part av Ríkisveitingini, ið er tryggasta inntøka
Føroya.<br><br>Roknar man eftir, so hevur niðurskurðurin av Ríkisveitingini við
ársenda kostað føroyingum 5 milliardir og 95 milliónir krónur.<br><br>Sum
kunnugt sótu Høgni Hoydal og Anfinn Kallsberg við valdið í 2002, tá skerjingin
varð framd.<br><br>Høvdu hesir - Føroya dýrastu dreingir og flokkar teirra -
hildið fingrarnar burtur frá tryggu inntøkunum, hevði Ríkisveitingin í dag verið
1 milliard og 258 milliónir árliga. Í staðin er hon 624 mió. kr. um
árið.<br><br>Nú sláa avleiðingarnar ígjøgnum, og tað skulu fullveldisflokkarnir
taka sær stórsta partin av ábyrgdini av.<br><br><b>Hetta er ikki
mátin</b><br>Sanniliga hava fólk verið ávarað um tað, ið nú fer at henda
fíggjarliga. Saman við øðrum hevur undirritaði frá fyrsta degi og áhaldandi
ávarað um rokningina, ið fór at koma - og nú er hon her.<br><br>Upptakið eftir
fíggjarliga ørðvitisskapin fullveldisárini skal sjálvandi fáast frá hondini, men
hetta er ikki mátin.<br><br>Tiltøkini, sum høgraliberalistiski flokkurin í
landsstýrinum hevur lagt fram, eru ikki í familju við sambandspolitikk. At
trýsta komandi pensjónistar, fara eftir pensjónum og at reka a-sosialan
skattapolitikk er ikki tað, ið Sambandsflokkurin skal standa fyri.<br><br>Eitt
er, at bygnaðarbroytingar krevjast, men hetta er ikki mátin.<br><br>Her eru
aðrir møguleikar:</p>
Skipa fiskivinnuna burðardygt
Løgmaður skal taka konfliktina við ES og Noreg á sítt egna borð og enda
hana, so fiskiflotin fær annað og meira enn makrel at dúva uppá. Ein kjansur er,
nú Jens Stoltenberg kemur at vitja
Útnytta ótømdar møguleikar í fjarfiskiskapi ? og fáa fyrimunirnar heim til
føroyska vinnu
Vinn Føroyum ein sess innan fyri ES-garðin ? saman við Danmark. Har er
marknaðurin, og har tjena vit pengarnar
Burtur við øllum dupultfunktiónum
Sker aðalráð burtur og legg onnur saman
Burtur við dýru uttanríkistænastuni, hvørs kostnaður er tekin um, at
rationaliseringar í gamla Uttanríkisráðnum framvegis ikki eru framdar
Stong sendistovurnar í London og Reykjavík og brúka uttanríkistænastuna í
Ríkinum. Hon er har til tað sama
Steðga øllum yvirtøkum. Tær kosta pengar, sum ikki eru til
Burtur við øllum óneyðugum politiskum "bringuprýði" frá fullveldistíðini.
Tað tyngir fíggjarlógina og kostar vælferð
Strika vegleiðandi fólkaatkvøðuna um kommunusamanleggingar, og gjøgnumføra
samanleggingar við lóg, so nakrir fáir sterkir kraftdeplar spyrjast burturúr
Nógv færri og betri skúlar
Eitt sentralsjúkrahús fyri øll undir somu leiðslu <p>Við røttum politiskum handverki ber væl til at hækka Ríkisveitingina, so hon
kemur aftur á eitt rímiligt støði<br><br>Her er nokk at arbeiða við uttan at
fara eftir komandi pensjónistum, pensjónum hjá fólki og at reka a-sosialan
skattapolitikk.<br><br>Víðgongdi høgraliberalistiski politikkurin má steðga,
áðrenn tað seinasta av anstændigheit í politisku skipanini
hvørvur.<br><br><b>Edmund Joensen</b><br>fólkatingsmaður fyri
Sambandsflokkin</p>
<p> </p><div><br></div><div><br></div><div><br></div><div><br></div><div><br></div>
