Maria byrjaði summarið við nýggjum meti

Maria Biskopstø er væl fyri til summarkappingarnar. Tað prógvaði hon, tá hon setti føroyskt met í 300 metur renning á breyt um vikuskiftið.

Rennarin úr Treysti endaði nummar tvey av 21 rennarum í Herning Games í Danmark, skrivar Treysti.

Maria Biskopstø kom á mál við tíðini 40,72 sekund. Gamla metið upp á 41,56 sekund átti Margit Fríðmundsdóttir.