- Tíðindi, mentan og ítróttur
Svangir kinverjar vilja hava føroyskan laks
<div>Tað staðfestir Regin Jacobsen, stjóri á Bakkafrost, sum seinnapartin tekur ímóti kinverskari sendinevnd við umboðum frá stovninum, sum varar av inn- og útflutningi av matvørum til Kina.</div><div><br></div><div>Í kinverska ferðalagnum, sum fer at lurta, er vararáðharrin fyri stovnin AQSIQ, sum eittnú varar av innflutningi av matvørum til Kina. Ein marknaður, ið síðstu árini er blivin alt meira áhugaverdur fyri Bakkafrost.</div><div><br></div><div>Sambært Regini Jacobsen, stjóra, passar føroyski laksurin sera væl til kinverska marknaðin: Stjórin fyri Bakkafrost hevur ikki sett tøl á, hvussu nógv Bakkafrost ætlar at selja til Kina í framtíðini - men kinverski marknaðurin er sera svangur, staðfestir hann.</div><div><br></div><div>Sambært Regini Jacobsen er uppskriftin at sleppa inn á kinverska marknaðin rættuliga lík uppskriftini at sleppa inn á aðrar marknaðir:</div><div><br></div><div>Í morgin hevur kinverska sendinevndin fund við Vinnumálaráðið, síðani verður vitjað alifyritøkuna Luna, áðrenn nevndin fer av landinum aftur. Við í ferðalagnum er eisini umboð frá donsku sendistovuni í Beijing. </div><div><br></div>
