Hall á grønlendsku fíggjarlógini til 2030

Landsstýrið í Grønlandi væntar hall í fíggjarlógini, í hvussu so er til 2030.

Orsøkin er fleiri pensjónir og færri, sum arbeiða.

Uppskotið um fíggjarlóg fyri 2027 var lagt fram í gjár.

Landsstýrið ætlar serliga at styrkja fýra øki, útbúgving, samferðslu, rættartrygd og betri tænastu, tað sum eitur borgerservice á donskum.

Umframt ríkisveitingina úr Danmark fær Grønland 1,6 milliardir haðani sambært serligari avtalu. 

Og tvær milliardir koma úr ES.

Men tann stuðulin fer ætlandi upp í fýra milliardir árini 2028 til 2034.