- Tíðindi, mentan og ítróttur
Skotar fegnast um tiltøkini móti Føroyum
<div>Skotska fiskivinnan fegnast um, at danski ES-formansskapurin og ES-tingið eru samd um tiltøkini, sum skulu setast í verk móti londum, ið ikki fiska burðardygt.</div><div><br></div><div>- Skotskir fiskimenn frøast um avtaluna, ið gevur møguleika at seta tiltøk í verk móti makrelfiskiskapinum hjá føroyingum og íslendingum, sigur stjórin fori skotsku uppsjóvarvinnuna, Ian Gatt, við norska blaðið Fiskeribladet/Fiskaren í dag.</div><div><br></div><div>Skotska uppsjóvarvinnan heldur uppá, at føroyski og íslendski makrelfiskiskapurin samsvarar ikki við ábyrgdarfulla stovnsrøkt av ferðandi stovninum.</div><div><br></div><div><b>Fleiri møguleikar</b></div><div><br></div><div>Skotsku fiskimenninir vísa á, at nýggja ætlanin gevur møguleika fyri, at ES forðar innflutningi av øðrum vørum enn teimum, sum hava beinleiðis samband við makrelfiskiskapin.</div><div><br></div><div>- Vit hava í longri tíð biðið um at fáa hesi tiltøk sett í verk, og tí fegnast vit um, at málið endiliga er komið so langt. Tað hevur eisini týdning, at hesi tiltøk eru staðfest, áðrenn næstu samráðingarnar byrja í oktober mánaði, sigur Ian Gatt.</div><div><br></div><div>- Vónandi merkir hetta, at Ísland og Føroyar ásanna, at fiskiskapurin ikki er byrðardyggur og ikki verður viðurkendur av altjóða fiskivinnu-samfelagnum. Nú hevur tað týdning, at londini koma aftur til samráðingarborðið, so at virðismikli makrelstovnurin kann røkjast við skili, sigur stjórin fyri skotsku uppsjóvarvinnuna.</div><div><br></div>
