- Tíðindi, mentan og ítróttur
Arbeiðsloysið í ES fer at vaksa nógv komandi árini
<div>Nógv størv fara at hvørva komandi fýra árini. Arbeiðsloysið er serliga stórt í teimum suðurevropeisku londunum. Men nógv bendir eisini á, at arbeiðsmarknaðurin viknar í Eysturríki, Belgia, Týsklandi, Luxembourg og Malta.</div><div><br></div><div>Altjóða arbeiðarafelagsskapurin mælir í eini frágreiðing til, at politisk tiltøk verða sett í verk til tess at tálma høga arbeiðsloysinum.</div><div><br></div><div>- Tað verða ikki bert evrolondini, sum fara at kenna sviðan av, at nógv ganga arbeiðsleys, mem tað fer eisini at ávirka altjóða búskapin, sigur stjórin í ILO - International Labour Organisation, Juan Somavia.</div><div><br></div><div><b>Ringast í Spania</b></div><div><br></div><div>Í Spania stendur ringast til við arbeiðsloysi. Har eru 24,6 prosent av fólkunum arbeiðsleys. Síðan kemur Portugal, har arbeiðsloysið er 15,2 prosent. Í Týsklandi eru 5,6 prosent arbeiðsleys, í Danmark eru tey 6,2 prosent og í Føroyum er arbeiðsloysið 5,5 prosent.</div><div><br></div><div>Frágreiðingin frá ILO kemur í hølunum á eini forsøgn frá OECD, sum júst hevur gjørt vart við døpru útlitini við teimum nógvu arbeiðsleysu.</div><div>Sambært OECD skulu 14 milliónir nýggj størv finnast ella blíva til, fyri at hava tað somu arbeiðsfjøldina, sum var fyri fíggjarkreppuna.</div><div>Abeiðsloysið er síðan 2010 vaksið í meiri enn helvtini av teimum 17 evrulondunum.</div>
