Fíggjareftirlitið: Vandi fyri at Betri banki verður brúktur til hvítvask

Betri banki kennir ikki nóg væl viðskiftafólkini hjá sær, tí hann dagførir ikki javnan upplýsingar um tey.

Vandi er fyri, at bankin verður brúktur til hvítvask, tí hann kennir ikki viðskiftafólkini nóg væl, millum annað, hvussu nógvar pengar, tey eiga, ella hvaðani teir koma.

Av tí at bankin er so stórur í Føroyum, er vandi fyri, at hann verður brúktur til hvítvask og til at fíggja yvirgang, sigur Fíggjareftirlitið, sum var í Betri banka í mai.

Ikki nóg konsekventur

Fíggjareftirlitið heldur, at Betri banki ikki konsekvent dagførir upplýsingar um privatkundar, millum annað, tá relevantu viðurskiftini hjá viðskiftafólkinum broytast.

Metingin hjá Fíggjareftirlitinum byggir á fíggjarligu útboðini hjá bankanum og hvussu nógv viðskiftafólk hava tilknýti til onnur lond, eisini vinnukundarnir, serliga feløg, sum hava skip skrásett í Føroyum. 

Betri banki tekur frágreiðingina frá Fíggjareftirlitinum til eftirtektar.

Hann er farin undir at loysa boðini frá Fíggjareftirlitinum, sigur hann.

Les frágreiðingina frá Fíggjareftirlitinum her.