- Tíðindi, mentan og ítróttur
Tekur undir við straffitiltøkum móti føroyingum
<div>Fiskivinnunevndin hjá ES tók mikudagin einmælt undir við at geva ES-nevndini heimild til at seta forboð móti at innflyta fisk, sum sambært ES ikki verður fiskaður burðardygt, og fisk, sum fæst sum hjáveiða ella á annan hátt hevur tilknýti til fiskin, sum forboð verður sett móti at innflyta til ES.</div><div><br></div><div>Talan er um fisk yvirhøvur, sum ES metir er ovfiskaður, men tað er einki loyndarmál, at føroyski og íslendski makrelfiskiskapurin er orsøkin til, at ES vil hava heimildina.</div><div><br></div><div>Heimildin at seta í verk handilsforðingar er ætlað at fáa føroyingar og íslendingar at bakka fyri ES og Norra í makrelstríðnum.</div><div><br></div><div>Ivi hevur verið um, hvat orðini "associated species" stóðu fyri. Nú er greitt, at talan er um allan fisk í somu vistfrøðiskipan sum til dømis makrelur, sum makrelur livur av ella fiskur, sum livir av makreli, og fiskur, sum kappast makrelin um føði og pláss, í stuttum merkir "associated species" til dømis allur fiskur í føroyskum sjógvi, tá talan er um makrel. </div><div><br></div><div>Sambært tíðindaskrivi frá ES eftir fundin hjá fiskivinnunevndini mikudagin, mælir fiskivinnunevndin til at víðka forðingarnar til eisini at umfata havnastongsul og skipasølur, um innflutningsbannið ikki virkar.</div><div><br></div><div>Londini, sum ætlanin er at brúka tiltøkini móti, fáa ein mánað at svara frá tí, tiltøkini verða fráboðað til tey verða sett í verk, sigur fiskivinnunevndin.</div><div><br></div><div>Seinasta orðið er tó ikki sagt enn í ES, tí bæði ES tingið og ES ráðið skulu eisini samtykkja málið. Tær atkvøðugreiðslurnar vera í september. </div><div><br></div><div>Tað er serliga Írland, sum herjar á í makrelstríðum. Nú halda írar, at ES og Norra eiga at taka aftur tilboðið til Ísland og Føroyar um ávíkavist 7,5 og 8 prosent av makrelkvotuni. Føroyska kravið er minst 15 prosent. Føroyska kvotan í ár er tó 23 prosent. </div><div><br></div><div>ESráðið hevur fund í morgin, og fer tá at viðgera makrelstríðið. Í einum uppriti hjá írsku sendinevndini, sum fer á fundin í morgin, verður sagt, at nú er ikki longur so nógvur makrelur í íslendskum sjógvi, tí er tilboðið um 7,5 prosent av stórt. </div><div><br></div><div>Írska stjórnin vil eisini hava Norra at hótta Føroyar og Ísland við somu tiltøkum sum ES nú fyrireikar og harafturat leggja politiskt trýst á Føroyar og Ísland. </div><div><br></div><div>Audun Maråk í Fiskebåtsredernes Forbund tekur fult undir við írsku sjónarmiðunum. </div><div><br></div><div>Seinastu trý árini hava ES, Norra, Føroyar og Ísland havt 13 úrslitaleys samráðingarumfør um makrelin. </div><div><br></div><div> </div><div><br></div>
