- Tíðindi, mentan og ítróttur
Dagstovnurin í Hoyvík gjørdist kostnaðarmikil
<div>Mett varð, at tað fór at kosta 8 miljónir krónur at umvæla dagstovnin, men nú umvælingin er liðug, er rokningin komin uppá 14 miljónir krónur. </div><div><br></div><div>Á eykabýráðsfundi nú fyrrapartin skulu 8 miljónir krónur játtast í eykajáttan til umvælingina av Dagstovninum í Hoyvík. Eykajáttanin verður tikin av øðrum játtanum innan mentunarøkið, ið kortini ikki verða brúktar í ár.</div><div><br></div><div><b>Eitt mistak</b></div><div>Tað var eitt mistak at fara undir at umvæla Dagstovnin í Hoyvík, ásannar borgarstjórin í Havn.</div><div><br></div><div>-Tað vísti seg, at soppurin var nógv meira umfatandi, enn vit høvdu mett. Tá umvælingarnar vóru byrjaðar, bar ikki til at steðga aftur, sigur Heðin Mortensen.</div><div><br></div><div>Ringu royndirnar frá umvælingini av Dagstovninum í Hoyvík hava gjørt, at kommunan ikki vil fara undir at umvæla dagstovnin Birkilund á Kommansmýri, ið eisini er fongdur við soppi. Bygningurin verður í staðin tikin niður, og nýggjur dagstovnur bygdur. </div><div><br></div><div>Nýggi dagstovnurin á Kommansmýri er mettur at kosta 30 miljónir krónur. </div><div><br></div><div>Tey 90 børnini, ið ganga í Birkilund, fáa innivst á Adventistaskúlanum og øðrum bygningum í grannalagnum, meðan nýggjur dagstovnur verður bygdur.</div>
