- Tíðindi, mentan og ítróttur
Paul Watson rýmdur úr Týsklandi
<div>Paul Watson, oddamaðurin í djóraverndarfelagsskapinum Sea Shepherd, er rýmdur úr Týsklandi, eftir hann varð leyslatin móti veðhaldi úr týska fongslinum, har hann hevur sitið í varðhaldi í 70 dagar. </div><div><br></div><div><b>Legði seg út í hávafiskiskap</b></div><div>Tað var tann 13. mai í ár, at Paul Watson varð handtikin á flogvøllinum í Frankfurt, fyri at hava lagt seg út í háva-fiskiskapin við Guatemala í 2002. Hetta varð gjørt so harðliga, at tað hevði sett lívið hjá kostarikansku fiskimonnunum í vanda, sum fiskaðu á leiðini. Myndugleikarnir í Kostarika eftirlýstu Paul Watson gjøgnum Interpol, og 13. mai varð hann afturhildin í Frankfurt. </div><div><br></div><div><b>Leyslatin móti veðhaldi</b></div><div>Herfyri varð Paul Watson leyslatin móti einum veðhaldi á 250.000 evrur, ið er 1,8 mió kr. Kravið var, at Paul Watson skuldi møta upp á einari týskari løgreglustøð annanhvønn dag. </div><div><br></div><div>Á heimasíðu sínari váttar Sea Shepher nú, at Paul Watson er rýmdur undan myndugleikunum í Týsklandi. Men Sea Shepherd skrivar eisini, at tey ikki vita, hvar oddamaður teirra er, og at tey ikki hava beinleiðis samband við hann.</div>
