Nýggj Birkilund í Eysturbýnum

Ein nýggj Birkilund verður bygd í Eysturbýnum í Havn. Tað samtykti býráðið einmælt í gjár

Tórshavnar býráð hevur samtykt, at nýggj Birkilund skal byggjast í staðin fyri hesa gomlu.

27.07.2012 - 10:27

<div>Gamla Birkilund verður tikin niður, tí blámusoppur er í honum, og nýggjur stovnur bygdur á grundstykkinum. Arbeiðið verður fyrireikað í ár, og byggingin byrjar næsta ár. </div><div><br></div><div>Ætlanin er at brúka pengarnar, sum kommunan spardi, tá pedagogarnir vóru í verkfalli fyrr í ár, til fyrireikingarnar. Kommunan spardi slakar 3,7 milliónir krónur, meðan varkfallið var. </div><div><br></div><div><b>Kostnaðarmikið at umvæla</b></div><div>Metingar siga, at tað fer at kosta 34 mió. kr. at byggja Birkilund. At umvælt ta gomlu hevði kostað 21 milliónir. </div><div><br></div><div>Dagstovnurin Birkilund gjørdist kommunalur stovnur á nýggjárinum.</div><div><br></div><div>Birkilund, sum er við Hoyvíksvegin, hevur pláss fyri 36 børnum í vøggustovu og 80 í barnagarði. </div><div><br></div><div>Nýggi stovnurin verður líka stórur sum tann gamli. </div><div><br></div><div><b>Innivist í Adventistaskúlanum</b></div><div>Børnini í Birkilund fáa innvist í Adventistaskúlanum og í øðrum bygningum í grannalagnum, meðan nýggja Birkilund verður bygd. </div><div>Hóast barnatalið í Havn minkar, er brúk fyri hesum stovninum. Birkilund er millum størstu dagsstovnar í kommununi. Harumframt er hann einasti dagsstovnur afturat Lítlaskógi, sum serliga hevur Eysturbýin sum upptøkuøki, sigur býráðið.</div>