- Tíðindi, mentan og ítróttur
Sild er ein triðingur av makrelveiðuni
<div>Á rættarfundinum í gjár um fiskiloyvið hjá Slættabergi varð upplýst, at skipini, sum landaðu til Faroe Pelagic í Kollafirði frá 19.juni til 19.juli høvdu í miðal 34 prosent av sild. </div><div><br></div><div>Hóast nótaskipini og ídnaðarskipini kunnu hava meira enn tíggju prosent av sild sum hjáveiðu, tá tey fiska makrel, kemur tann nógva sildin illa við júst nú.</div><div><br></div><div>Minni fæst fyri sildina nú enn seinni í ár. Tí høvdu skipini viljað goymt sær sildina til seinni.</div><div><br></div><div><b>Eginkvotur</b></div><div>Nótaskipini hava sínar egnu sildakvotur, og ídnaðarskipini, tó ikki Slættaberg, hava eina felags sildakvotu, sum er 2.000 tons. </div><div><br></div><div>Nógv sild hevur verið uppi í makrelinum higartil, men nú er hon farin at minka.</div><div><br></div><div>Upplýst varð eisini á rættarfundinum í gjár, at tað ber til at fiska makrel soleiðis, at minni sild kemur í trolið. Tað verður gjørt við nógv grynri troli, tað er tá trolið ikki stingur djúpari enn 15 metrar. </div><div><br></div><div>Russarar fiska makrel reint á somu leiðum, sum føroysku skipini fáa nógva sild saman við makrelinum, sigur Fiskiveiðueftirlitið.</div>
