Spania vil framvegis hava OL í 2020

Hóast Spania er í djúpari fíggjarligari kreppu, heldur landið fast um ætlanirnar at gerast vertur fyri Olympisku Leikirnar í 2020

Spania stendur fast við, at landið vil hýsa OL í 2020. Eydnast tað, ja, so verður OL í Madrid í 2020.

Grækaris Djurhuus Magnussen

27.07.2012 - 10:37

<div>Spanski høvuðsstaðurin, Madrid, hevur søkt um at vera OL-vertur, og fyrireikararnir eru sannførdir um, at býurin saktans kann megna uppgávuna, hóast fíggjarligu trupulleikarnar.</div><div><br></div><div>-Vit fara bara at byggja tað, sum er avgjørt neyðugt. Hetta fer at koma borgarunum til góðar í framtíðini, sigur Victor Sanches, stjóri fyri fyrireikingarbólkin Madrid 2020. Hann sigur, at tað bara er tørvur á fýra nýggjum leikvøllum til OL.</div><div><br></div><div>Væntandi fer Olympiska nevndin, IOC, um eitt ár at taka støðu til, hvør verður vertur við leikirnar í 2020. </div><div><br></div><div>Umframt Madrid hava eisini Istanbul og Tokyo biðið um at gerast vertur.</div>